គ្រាន់តែជម្លោះពាក្យសំដីបន្តិចបន្តួច បុរសម្នាក់ត្រូវគេកាប់ស្លាប់យ៉ាងអណោចអាធម
30-December-2015 | ដោយ មួយឡា
ភ្នំពេញ៖ បុរសម្នាក់បានដេកស្លាប់ក្នុងថ្លុកឈាម យ៉ាងអណោចអធមក្រោយពីត្រូវជន ដៃដល់ដែលមិនស្គាល់អត្តសញ្ញាណចំនួនពីរនាក់បានកាប់មួយកាំបិតចំ-ក បណ្តាលឲ្យស្លាប់ភ្លាមៗ នៅនឹងកន្លែង ហេតុការណ៍ជម្លោះនេះ កើតឡើងនៅវេលាម៉ោង ៧៖៥០នាទី ព្រលប់ ថ្ងៃទី២៩ ខែធ្នូ ឆ្នាំ២០១៥ ស្ថិតនៅជាប់នឹងផ្លូវជាតិលេខ៥ ក្នុងផ្សារក្រមួន សង្កាត់ស្វាយប៉ាក ខណ្ឌឬស្សីកែវ រាជធានីភ្នំពេញ។
បើតាមការបញ្ជាក់អ្នកដែលស្គាល់ជនរងគ្រោះ ដែលស្លាប់ក្នុងការកាប់ប្រហារនេះ មានឈ្មោះ ហេង វិចិត្រ ភេទប្រុស អាយុ៣០ឆ្នាំ មានទីលំនៅមិនពិតប្រាកដ ចំណែកឯជនដៃដល់សមត្ថកិច្ច មិនទាន់ស្គាល់អត្តសញ្ញាណនៅឡើយទេ ព្រោះក្រោយពីកើតហេតុជនដៃដល់ បានរត់គេចពីកន្លែងកើតហេតុបាត់ស្រមោល ខណៈកម្លាំងសមត្ថកិច្ច កំពុងតាមប្រមាញ់ ។
តាមប្រភពព័ត៌មានពីមន្ត្រីនគរបាលមូលដ្ឋាន បានឲ្យដឹងថាជនរងគ្រោះត្រូវជនដៃដល់ពីរនាក់វាយ ហើយកាប់មួយកាំបិតចំ-ក ប៊ិះដាច់ ដេកស្លាប់នៅក្នុងថ្លុកឈាមឃើញគួរឲ្យញញើត ខាងលើនេះ គឺគ្រាន់តែទំនាស់ពាក្យសំដីបន្តិចបន្តួចតែប៉ុណ្ណោះក្រោយមកក៏ឈានដល់ ការកាប់ប្រហារតែម្តង។
បច្ចុប្បន្នសាកសពខាងលើ ត្រូវបានសមត្ថកិច្ច ដឹកយកទៅតំកល់នៅវត្តព្រែកព្នៅ រង់ចាំបូជាតែប៉ុណ្ណោះ៕ ដោយ មែន កំសត់
ចំនួនអ្នកទស្សនា
- ថ្ងៃនេះ371
- ម្សិលមិញ12561
- សប្តាហ៍នេះ28321
- ខែនេះ50201
- ឆ្នាំនេះ50201
- សរុប20492657